DÇ-2026-nın Avropa zonası üzrə seçmə mərhələsinin püşkü atılıb.

HİT.az xəbər verir ki, final mərhələsinə vəsiqələr uğrunda mübarizəyə başlayacaq 54 komanda 12 qrupa bölünüb.

Bu qrupların altısında 4, altısında 5 komanda yer alıb. 

Püşkatmaya 4-cü səbətdə qatılan Azərbaycan millisinin də seçmə mərhələdəki rəqibləri müəyyənləşib. Yığmamız D qrupunda yer alıb.

Portuqaliyalı Fernandu Santuşun baş məşqçisi olduğu millinin qrupunda 5 komanda mübarizə aparacaq. Yığmamız Fransa və Xorvatiya cütünün qalibi, o cümlədən, Ukrayna, İslandiya və ilə üz-üzə gələcək.

Qeyd edək ki, seçmə mərhələ matçları 2025-ci ilin martında start götürəcək. Dörd və beş komandadan ibarət 12 qrupun birinciləri birbaşa DÇ-2026-nın final mərhələsinə vəsiqə əldə edəcəklər. İkinci yeri tutanlar pley-offda iştirak hüququ qazanacaqlar. 2026-cı ildə Kanada, Meksika və ABŞ-də təşkil olunacaq dünya çempionatı ilk dəfə 48 komandanın iştirakı ilə gerçəkləşəcək.