“Sabah”ın yarımmüdafiəçisi Umarali Raxmonaliyev karyerasını Fransada davam etdirə bilər.
HİT.az xəbər verir ki, bu barədə Özbəkistanın “Tribuna” nəşri məlumat yayıb.
İddia edilir ki, Fransa Liqa 1-də çıxış edən “Lans” 22 yaşlı futbolçunu transfer siyahısına daxil edib. Klubun skautlarının Özbəkistan millisinin üzvünü mütəmadi izlədiyi bildirilir.
“Lans”ın yaxın vaxtlarda Raxmonaliyevin transferi ilə bağlı “Sabah”a rəsmi təklif göndərəcəyi gözlənilir.
