Tanınmış fitness məşqçisi Kamil Zeynallı vaxtından əvvəl azadlığa buraxılıb.

HİT.Az-ın verdiyi xəbərə görə, o, artıq evindədir.

Qeyd edək ki, Kamil Zeynallı dekabrın 14-də Göygöl rayonu ərazisində işğaldan azad edilən ərazilərə getməyə cəhd etmişdi. Lakin həmin vaxt ona ərazidə xidmət aparan polis əməkdaşları tərəfindən icazə verilməmişdi. Polisin qanuni tələbinə tabe olmayan K.Zeynallı saxlanılaraq Göygöl Rayon Polis Şöbəsinə gətirilmişdi. Həmin gün məhkəmənin qərarı ilə Kamil Zeynallıya 30 sutka inzibati həbs verilmişdi.

Qeyd edək ki, Kamil Zeynallı ötən ilin mart ayında xırda xuliqanlığa görə, 2020-ci ilin may ayında karantin rejimini pozduğu üçün, oktyabr ayında isə Azərbaycan Ordusunun yerdəyişməsi zamanı hərbi texnikaları videoya çəkərək yaydığı üçün saxlanılıb və hər birində 10 sutka həbs edilib.