4 filmlə məhşurlaşdı və 19 yaşında öldü! Yeşilçamın vəfat edən ulduzunun acı sonluğu.

HİT.az xəbər verir ki, gənc yaşlarında dünyasını dəyişən "Yeşilçam"ın ulduzu Nil Göncünün həyat hekayəsi ürək ağrıdır. 

4 filmi ilə məhşurlaşan, lakin ulduzu parlamağa az qalmış 19 yaşında dünyasını dəyişən Nil Göncü baxımsızlıq və laqeydlik ucbatından əməliyyatdan sonra komadan ayılmayıb. Əsl adı Şükran Göncü olan Nil Göncü 1950-ci il aprelin 10-da İstanbulda anadan olub.  

O, çox gənc yaşlarında məşhur rejissor Metin Erksan tərəfindən tanınıb. Aktrisa türk kinosunun kült filmləri olan “Susuz yaz” və “Kuyu” filmlərində rol alıb. Hər iki filmdə kişilər aləmində qadınların taleyindən bəhs edilib. 1969-cu ildə "Adana Kızıl Koza" Film Festivalında "Ən yaxşı film", "Ən yaxşı rejissor", "Ən yaxşı köməkçi aktrisa" və "Ən yaxşı köməkçi aktyor" mükafatlarını qazanıb. "Divlərin Qısası" filmini qeyd etmək üçün kollektivlə birlikdə şənliyə qatılan gənc aktrisa qəfildən xəstələnib və xəstəxanaya aparılıb. Həkimlər Nilə "bağırsaq düyünlənməsi" diaqnozu qoyub. Göncü bu vəziyyətə çox da təəccüblənməyib. Çünki o, əvvəllər də bu xəstəlikdən əziyyət çəkib. Həkimlər ona dincəlməli olduğunu, bədəninin belə ağır şəraitdə işləməyə tab gətirə bilməyəcəyini desələr də, Göncü həkimlərə qulaq asmayıb. İstanbula qayıdarkən əməliyyat olunmalı olan Göncü yeni filmi üçün çəkiliş meydanına gedib. Lakin bədbəxt aktrisanın yenidən halı pisləşib və təcili əməliyyat olunub. Həkimlər əməliyyatı uğurla həyata keçirdikdən sonra aktrisanın ailəsi maraqlı iddia ilə çıxış edib. Əməliyyatdan sonra vəziyyəti yaxşı olan Göncünün baxımsızlıq və laqeydlik ucbatından komada öldüyü iddia edilib. O, dünyasını dəyişəndə ​​hələ 19 yaşı olsa da, türk kino tarixində iz qoyub. Kino tənqidçiləri onun ardınca  “Yaşasaydı, böyük işlər görərdi” şərhini yazıblar.

Nərmin İsmayılova/HİT.az