Azərbaycanın Xalq artisti Miri Yusif Ukraynadakı müharibəyə mahnı həsr edib.

HİT.az xəbər verir ki, “Göyə Sarı” adlanan mahnı üçün hazırlanmış klip müğənninin yutub hesabına yüklənib.

Sözügedən mahnını Ukraynanın Azərbaycandakı səfiri Vladislav Kanevski özünü Tviter hesabında paylaşıb.

“Ukraynanın Rusiya işğalçılarına qarşı davam edən mübarizəsi heç kəsi biganə qoymur!

Azərbaycanın Xalq artisti Miri Yusifin ifasında “Göyə sarı” (“Mavi – sarı”)  mahnısı.

Biz mütləq qalib gələcəyik!”, - səfir yazıb.

Qeyd edək ki, mahnının sözləri Miri Yusifə, musiqisi Fariz Zeynalova və Miri Yusifə məxsusdur.