Tanınmış aktrisa və aparıcı Aysel Nazimlə məşhur müğənni Nazpəri Dostəliyeva arasında gərginlik yaşanıb.

Cebhe.info xəbər verir ki, hadisə məşhurlar "Space TV"-də yayımlanan "Gül kimi şou" proqramında qonaq olarkən baş verib. Belə ki, Nazpəri Dostəliyeva aktrisadan Türkiyədə olduğu 4 il müddətinə nə etdiyini soruşub. Aysel isə cavabında bir çok yeniliklərə imza atdığını deyib:

"Yeni filmlərə və seriallara çəkilmişəm. Mən Türkiyədə bir film şirkətində icraçı direktor vəzifəsində çalışıram. Şirkət olaraq da yeni seriallar və filmlər çəkirik. Başqa yeni layihələrimiz də olacaq".

Daha sonra Nazpəri Dostəliyeva Aysel Nazimə "Bundan sonra şou proqramlar, konsertlər təşkil etsəniz, Azərbaycanla Türkiyənin birgə layihəsi olar. Siz də bizim qəhrəmanımız olarsınız",- deyib. Aktrisa isə onsuz da 10 ildir Türkiyə və Azərbaycan arasında bir çox layihəyə imza atdığını deməsi ilə gündəm olub:

"Mən illər öncə Azərbaycan-Türkiyə qardaşlıq gecələri keçirmişəm. Bir çox azərbaycanlı və türkiyəli sənətçilər orada iştirak etmişdi. Sonra iki ölkə arasında "Sinema Güzeli" adlı yarışma da təşkil etmişəm. Ümumiyyətlə, 10 ilə yaxındır ki, mənim Türkiyə ilə işbirliyim var. Bu 10 ilin bəhərəsi olaraq da təkliflər gəldi və Türkiyəyə köçmək qərarına gəldim"