Məşhur menecer və "Best Model Of Turkey"in yaradıcısı Erkan Özerman yarışmanın Azərbaycanda keçirilməsinə qadağa qoyub. 

Axşam.az xəbər verir ki, bu haqda o, "Elgizlə izlə" verilişinə telefonla zəng edərək deyib. O bildirib ki, Azərbaycanda yarışmanı keçirənlər ondan icazə almayıb:

"Azərbaycanda "Best model" yarışmaının ən gözəlini məşhur insanlarla etdim. Ona görə də, önəmlidir. Azərbaycandan böyük mükafatlar qazanan modellər çıxdı. 36 illik çalışmadan çox məmnun idim. İndi yarışmaya icazə vermədim, müqavilə imzalamadım. Amma ötən il edən şəxs heç bir icazə almadan yarışmasını elan edib. İşləri mən yox, vəkilim danışır. Bizim icazəmiz olmadan niyə etdiniz? Şərtlərə baxarıq, yaxşı keçiriləcəyinə inansaq icazə verə bilərik. Amma bizim icazəmiz olmadan yarışma etmək keçərli deyil. Mənə söz veribər ki, iyunun 15-də gəlib danışacaqlar. Əgər danışmasa, onların seçdiyi model heç bir yarışmaya qatıla bilməz. Bunun üçün əlimdən gələni də edərəm". 

Erkan hazırda müalicə aldığını deyərək "Hazırda Parisdəyəm, pis bir xəstəlikdən müalicə alıram. İstanbul-Fransa arasında gedib-gəlirəm" sözlərini əlavə edib.