Tez-tez etdiyi mərclərlə diqqəti çəkən və qazana bilməyən məşhur reper Kanye Uest bu dəfə tamam başqa mövzu ilə gündəm olub. 

HİT.az xəbər verir ki, reperin ad günü məclisində stolun üzərinə uzanan qadının üzərinə yeməklər qoyulması sosial mediada hiddətə səbəb olub.

Bu 46 yaşını qeyd edən Kanyenin qızları ilə birlikdə keçirdiyi tədbirdə baş verib. Uestin ad gününə bir çox məşhur qatılıb. Məclisin sosial şəbəkədə yayımlanan görüntülərində bir qadının stolun üzərində çılpaq uzanması və üzərində suşinin olması etirazla qarşılanıb.

Kamerada əks olunan həmin anlarda xeyli adamın gəlib-getdiyi və qadından üzərindən suşini götürüb yedikləri görülür. Kanye üzündəki təbəssümlə obyektivlərdə əks olunub. 

Bir çox istifadəçi bu görüntüləri "indiyə qədərki ən iyrənc qadın düşmənliyi" adlandırıb. 

Qeyd edək ki, Kim Kardaşyanla 8 il evli olan Kanye Uest ötən il boşanıb. 46 yaşlı reper övladlarının qəyyumluğunu Kimə həvalə edib. Boşanma razılaşmasına əsasən, Kanye keçmiş həyat yoldaşına uşaq dəstəyi üçün ayda 200 min dollar ödəyir. Boşandıqdan sonra Kim Kardeaşyan NBC-nin Saturday Night Live verilişinin heyətində yer alan 29 yaşlı Pit Devidsonla sevgili olub, lakin onların münasibətləri cəmi 9 ay davam etdi. 

Samir