Sussex hersoqinyası Meqan Markl amerikalı müğənni Teylor Svifti "Spotify"da Archetypes podkastında iştirak etməyə dəvət etsə də, o, bundan imtina edib. 

Poliqon xəbər verir ki, bu barədə “The Wall Street Journal” məlumat yayıb.

Nəşrdə bir müddətdir uzadılmayan "Spotify" podkastının uğursuzluğunu təhlil edən məqaləyə görə Meqan Markl müğənniyə onu şouya dəvət edən “şəxsi məktub” göndərməsinə baxmayaraq, sənətçinin rəsmi nümayəndələri tərəfindən rədd edilib. 

Şounun problemləri arasında həm də onu hazırlayan "Archewell Foundation" komandasının buraxılışların konsepsiyalarını hazırlamaqda və təsdiqləməkdə son dərəcə ləng davranması, Meqan Marklın isə son anda onlara dəyişiklik tələb etməsi də var.

Şahzadə Harrinin podkastında iştirak da uğur gətirməyib, çünki onun üçün konkret ideya irəli sürmək çətin idi və onun bütün təklifləri müharibə veteranlarının vəziyyəti, mediada dezinformasiya problemi və öz fikirləri ilə bağlı idi. 

Cütlüyün "Archetypes" podkastını buraxdığı Susseks Dükləri ilə "Spotify" platforması arasında 20 milyon dollarlıq müqavilənin ləğvi iyunun 16-da məlum olub.

Samir