Hollivud aktyoru Bred Pitt yeni sevgilisi İnes de Ramonu Ancelina Coli ilə övladlarına təqdim etməyi planlaşdırır. 

HİT.az xəbər verir ki, bu barədə “US Magazine” məlumat yayıb.

Nəşrin mənbəsnin sözlərinə görə, aktyor hələ övladlarını yeni sevgilisi ilə tanış etməyib, lakin tezliklə hər şey dəyişə bilər. Ötən həftə məlum olub ki, Bred Pit yeni sevgilisini dostlarına təqdim edib.

"O, İnesi sevmədiyinə görə deyil, sadəcə olaraq belə ciddi bir addım atmazdan əvvəl bu münasibətin irəliləməsinə əmin olmaq istəyir", deyə mənbə bildirib.

2022-ci ilin noyabrında ilk dəfə Bad Pitt və İnes de Ramon arasında münasibətlər haqqında şayiələr yayılıb. Cütlük Bononun Los-Ancelesdəki konsertində, daha sonra isə aktyorun yeni “Babil” filminin premyerasında görüntülənib. Pittin yeni sevgilisi dietoloq, fitnes məşqçisi və zərgərlik dizayneridir. O, məşhurlar cəmiyyətinə "The Vampire Diaries" filminin aktyoru Pol Uesli ilə evliliyi sayəsində daxil olub.

Fevral ayında, Uesli rəsmi olaraq de Ramondan boşanmaq üçün müraciət edib və ayrılığa səbəb kimi "barışmaz fikir ayrılıqlarını" göstərib. Eyni zamanda Bred Pitt ilk dəfə yeni sevgilisi ilə ictimaiyyət qarşısına çıxıb. Onlar Yelisey çöllərində Fuketin restoranında nahar edərkən paparassilərə yaxalanıblar.

Samir