Tanınmış aktrisa Leyla Babayevanın yeni layihəyə qatıldığı önə sürülüb. 

Belə ki, aktrisanın "Instagram" hesabında etdiyi paylaşımı marağa səbəb olub. Leyla Babayevanın "Comedy Az" layihəsindən etdiyi paylaşım onun sözügedən layihəyə qatıldığı rəylərinin yazılmasına gətirib çıxarıb. Hətta bəzi izləyicilər aktrisanın "Astar şou"dan ayrıldığını da önə sürüb. Bütün bunların fonunda onun "Komedixana"ya da keçmə ehtimallarının olduğuna dair şayiələr də yayılıb. 

HİT.az sözügedən iddialarla bağlı Leyla Babayeva ilə əlaqə saxlayıb. O, "Astar şou"dan ayrılması ilə bağlı iddiaları təkzib edib:

"Mən "Astar şou"ya qətiyyən xəyanət etmərəm. Həmin layihədən ayrılmamışam. "ComedyAz" proqramında isə qonaq kimi iştirak etdim. Sadəcə olaraq verilişin sonunda qonaq kimi səhnəyə dəvət olundum, vəssalam. Ümumiyyətlə, onların öz dəsti-xətti var, bizimlə əlaqəsi yoxdur". 

Aktrisa "Komedixana"ya keçəcəyi ilə bağlı iddialara da belə münasibət bildirib:

"Belə bir düşüncəm yoxdur. Çünki mən bir əlimdə 2 qarpız tutmuram. Ümumiyyətlə, mən olduğum yerə sadiqəm. Üstəlik, "Astar şou" da çox uğurlu layihədir". 

Pərviz Şimşək