Türkiyənin əfsanəvi serialı "Kurtlar Vadisi" illər keçsə də unudulmur.

"Kurtlar Vadisi" layihəsi artıq 7 ildir ekranlarda olmamasına rəğmən bu gün də onun və aktyorları barəsində çıxan istənilən xəbər qısa zamanda ən çox oxunanlar arasına daxil olur. Görünür, "Kurtlar Vadisi"nin izləyici kütləsi hələ də onu unuda bilmir. Məhz bu səbəbdəndir ki, 7 ildir ekran işinin yenidən başlaması gözlənilir. 

Biz də HİT.az saytı olaraq ölkəmizdə də çox sevilən "Kurtlar Vadisi" serialı ilə bağlı bəzi maraqlı faktları layihənin pərəstişkarları üçün araşdırmağa başlayırıq. İlk olaraq fərqli bir məqamla start götürməyə qərar verdik. Belə ki, Necati Şaşmazın canlandırdığı "Polat Alemdar" obrazının həyatında olan xanımları xatırlayacağıq.

"Polat Alemdar"ın sevgililəri kimlər olub?

HİT.az sözügedən siyahını təqdim edir:

1. Elif Eylül
Özgü Namal tərəfindən "Kurtlar Vadisi"nin 1-97 bölümlərində canlandırılmış "Elif Eylül" obrazı "Polat Alemdar"ın ilk eşqi idi.

2. Ahu Toros
Nefise Karatay tərəfindən "Kurtlar Vadisi Pusu"nun ilk sezonunda (1-26) həyat verilən "Ahu Toros" obrazının ömrü çox qısa oldu. 

3. Ebru Duru
Hatice Şendilin oynadığı "Ebru Duru" obrazını "Kurtlar Vadisi Pusu"nun 48-93 bölümlərində izlədik. O, serialda "Polat Alemdar"ın ilk həyat yoldaşı olub.

4. İnci Tataroğlu
Sema Şimşek tərəfindən "Kurtlar Vadisi Pusu" 1-165 bölümlərində canlandırılmış "İnci Tataroğlu" obrazı isə sürpriz şəkildə "Polat Alemdar"la evlənməsi ilə hər kəsin təəccübünə səbəb olmuşdu.

5. Leyla Türkmen
Çiğdem Batur tərəfindən həyat verilən "Leyla Türkmen" obrazını "Kurtlar Vadisi Pusu"nun 101-263 bölümlərində izlədik. O, "Polat Alemdar"ın "Elif"dən sonra ən çox sevdiyi xanım idi. "Leyla" da "Polat"la evlənsə də, toyun ardından sui-qəsd nəticəsində ölmüşdü. 

6. Asya Tuna (Zeynep Oğuz)
Defne Samyelinin "Kurtlar Vadisi Pusu"nun son sezonunda (264-300) canlandırdığı "Asya Tuna" obrazı isə "Polat Alemdar"ın həyatında olan son qadın olaraq yaddaşlarda qaldı.

Pərviz Şimşək