Supermodel Kendall Cenner və reper Bad Bunni 9 aylıq münasibətdən sonra ayrılıb. 

HİT.az xəbər verir ki, bu barədə "The Messenger" məlumat yayıb.

Kendall Cenner və Bad Bunnu sıx iş qrafiki səbəbindən münasibətlərinə son qoymaq qərarına gəliblər.

"Son vaxtlar Kendall və Bad öz işləri ilə məşğul olurlar və aralarında münasibətlər yavaş-yavaş soyumağa başlayıb. Onların çılğın məşğul cədvəlləri var və bilirlər ki, hələ də gəncdirlər, evlənməkdən əvvəl keçəcəkləri çox yol var. Aralarında heç bir narazılıq yoxdur və yenə də bir-birləri üçün ən yaxşısını istəyirlər", deyə mənbə nəşrə bildirib.

İlk dəfə 2023-cü ilin martında Kendall Cennerin 29 yaşlı reper Bad Bunni ilə münasibəti barədə məlumat yayılıb. Model və reper Beyons və Jay-Z-nin təşkil etdiyi "Oskar" gecəsində birlikdə görünüb. Sentyabr ayında müğənni şəxsi həyatının heç kimin işi olmadığını və daim təhqirlərə dözmək məcburiyyətində olmadığını deyib. 

Kendall Cenner dünyanın ən çox qazanan modellərindən biridir. Model müxtəlif şoulardan və reklam kampaniyalarından əldə edilən gəlirlə yanaşı, “The Kardashians” ailə realiti-şousunun çəkilişlərində iştirakından da xeyli gəlir götürür.

Samir