"Yeni mövsümdə "ATV" telekanalında yeni serialımız yayımlanmağa başlayacaq".

Bu sözləri məşhur aktyor Elməddin Cəfərov Hit.az-a açıqlamasında deyib.

O bildirib ki, serialın adı "Qara-qura işlər" olacaq:

"Serial iki iş yoldaşının başına gələn hadisələrdən bəhs edir. Baş rolda mən və Müşviq Şahverdiyevdir. Mən "Nuru", Müşviq isə "Miri" obrazını canlandıracaq".

Aktyor hər bölümün öz hekayəsinin olacağını söyləyib:

"Serialda mövsümün ümumi xətti olacaq. Amma hər bölümün də özünün sujet xətti olacaq. Yəni ardıcıllıq hər bölümdə dəyişəcək. Hər bölümdə məşhur simalar da layihəmizdə qonaq olacaqlar".

Elməddin Cəfərov layihənin "ATV" kanalına aid olduğu da diqqətə çatdırıb:

"Serialın hansı gün olacağını hələ tam dəqiq bilmirəm. Çünki bu serial bizim "KO Media" şirkətinin deyil, kanalın məhsuludur. Ona görə də günü və saatı onlar təyin edəcəklər". 

Pərviz Şimşək