ABŞ-dan olan böyük ölçülü model bildirib ki, ombası böyük olduğuna görə şəxsi təyyarələrdə uçmağa məcburdur.

HİT.az bu barədə "Daily Mail"ə istinadən xəbər verir.

Sosial şəbəkələrdə doqquz milyondan çox izləyici toplayan məşhur böyük ölçülü model Qreysi Bon deyib ki, o, indi yalnız şəxsi təyyarələrdə uçur, çünki ombası çox böyük olduğu üçün adi mülki təyyarələrə minə bilmir. Qadın əvvəllər uçuş üçün iki və ya üç oturacaq aldığını, lakin özü üçün alternativ tapmaq qərarına gəldiyini bildirib.

Model plastik cərrahiyyə şayiələrinə baxmayaraq, təbii bədən quruluşuna sahib olduğunu israr edir və aviaşirkətləri sərnişinlər üçün daha geniş oturacaqlar yaratmağa çağırır. O, əvvəllər böyük ölçülü qadınların səyahət edərkən qarşılaşdıqları çətinlikləri bölüşdü və hətta daşıyıcılardan onun kimi insanların ehtiyaclarını nəzərə almalarını tələb edən petisiya başladıb.

Samir