Hollivud aktrisası Meqan Foks reper Maşin Qun Kelli (Kolson Baker) ilə münasibətindəki gərginlikdən yorulmuşdu. 

HİT.az xəbər verir ki, bu barədə "Daily Mail" məlumat yayıb.

"Meqan üçün hər şey başa çatdı. Onun davranışından və ona münasibətindən bezmişdi. O, hamilə qalanda sevgilisinin nə olursa-olsun onunla qalacağı anlamına gəldiyini düşünürdü, amma belə deyil olmadı. İndi Meqanın həyatında ən vacib şey doğmamış övladıdır və onu təkbaşına böyütməyi problemi hesab etmir", deyə ulduzlara yaxın bir mənbə bildirib.

Mənbənin sözlərinə görə, Meqan Foksun dostları onun nə vaxtsa reperdən yenidən ayrılacağını bilirdilər. Mənbə qeyd edib ki, qohumları son bir neçə il ərzində ifaçınının davranışlarını bəyənmir, ona görə də aktrisanın qərarını dəstəkləyirlər.

Başqa bir mənbə Meqan Foksun Kellinin onu aldatdığına əmin olduğunu bildirib: "Meqan onu bir çox qızla mesajlaşmaqda ittiham etdi. Əgər bu, fiziki aldatmağa gətirib çıxarmayıbsa, deməli, onun nəzərində bu, emosional aldatma idi. İndi Colson onu geri qaytarmağa çalışır".

"E!News" tabloidinin məlumatına görə, Meqan Foks Kellidən ayrıldıqdan sonra aktyor Mişel Morron ilə münasibətdə olmaqda şübhəli bilinir.  Meqan Foks və Mişel Morronun romantikası ilə bağlı dedi-qodular aktyorların baş rolları ifa etdiyi filmin çəkilişindən sonra sual-cavab sessiyasında lentə alınan videolara görə yaranıb. İnternet istifadəçilərinin sözlərinə görə, məşhurlar bir-biri ilə flört ediblər. Lakin Mikel Morronun nümayəndəsi şayiələri təkzib edib.

"İşlə bağlı dostluqdan kənara çıxan hər hansı iddialar sadəcə olaraq yalandır. Onlar bir il əvvəl birlikdə bir filmdə rol alıblar. Mişel hazırda İtaliyadadır və orada başqa layihə üzərində işləyir", deyə nümayəndə bildirib.

Qeyd edək ki, bir gün əvvəl TMZ tabloidində Meqan Foksun Kelli ilə yenidən ayrıldığı xəbəri yayılıb. Ayrılıq Şükran Günündə baş verib. 

Samir