Məşhur müğənni Tərlan Novxanı karyerasındakı yenilikləri barədə Hit.az-a danışıb. 

O, hazırda yeni layihələr üzərində çalışdığını söyləyib:

"Hazırda bir neçə yeni layihə üzərində çalışıram. Allahın izni ilə tez bir zamanda həmin işlərimiz işıq üzü görəcək. Onları yaxın günlərdə təqdim edərək, dinləyicilərin ixtiyarına verəcəyəm".

Sənətçi pərəstişkarlarına yeni duet müjdəsi də verib:

"Həmçinin, yeni duetimiz də olacaq. Onunla bağlı da çalışmalarımız gedir. Lakin duet ortağımın adını indidən açıqlamaq istəmirəm. O qədər də populyar olmayan bir xanımdır. Sadəcə olaraq duet təklifi aldıq və işbirliyi barədə razılaşdıq. Hətta onunla 2-3 duetimiz ola bilər. Bu barədə razılıq əldə etmişik". 

Tərlan Novxanı yeni ildə konsert vermək istədiyini də etiraf edib:

"2025-ci illə bağlı da planlarım var. Gələn il konsert proqramı ilə tamaşaçıların görüşünə gəlmək istəyirəm. Hazırda bu barədə də düşünürük. Allahın köməyi ilə 2025-ci ildə konsert verərik". 

Pərviz Şimşək