Aktyor Ben Afflek keçmiş həyat yoldaşı, müğənni Cennifer Lopezə aktyor Marlon Brandonun imzası olan kitab hədiyyə edib. 

HİT.az xəbər verir ki, bu barədə "Page Six" məlumat yayıb.

"Ben Marlon Brandonun fanatı olduğu üçün Cenniferə kitabı verdi. Qalan hədiyyələr daha çox uşaqlar üçün idi, lakin onlar da kiçik əşyalar mübadiləsi aparırdılar. Bu heç nə demək deyil, sadəcə gözəl bir jestdir. Ben və Cennifer boşanma prosesinin davam etməsinə baxmayaraq, mehriban münasibətdə qalırlar", deyə mənbə bildirib.

Dekabrın 22-də Cennifer Lopez və Ben Afflek ayrı-ayrılıqda Qərbi Hollivuddakı Soho House restoranına gəliblər. Jurnalistlərin verdiyi məlumata görə, müğənni və aktyor müəssisədə nahar edib və yeni il hədiyyələri mübadiləsi aparıblar.

Avqustun 20-də media Cennifer Lopezin Ben Afflekdən boşanmaq üçün məhkəməyə müraciət etdiyini yazmışdı. Sənətçi sənədlərini vəkilsiz Los-Anceles Ali Məhkəməsinə təqdim edib. Hollivud ulduzlar 26 aprel 2024-cü ildə ayrılıb. 

Samir