Hollivud aktrisası Meqan Foks Milad bayramını 3 oğlunu dünyaya gətirdiyi keçmiş əri Brayan Ostin Qrinlə qeyd edə bilər. 

HİT.az xəbətr verir ki, bu barədə "Daily Mail" məlumat yayıb.

Ulduzların əhatəsində olan mənbə bildirib ki, Brayan Ostin Qrin və onun xanımı Şarna Burqess Meqan Foks və uşaqlarını Milad bayramına dəvət ediblər.

"Onlar Meqana çox əhəmiyyət verirlər və bu sınaq boyunca onu dəstəklədilər. Brayan və Şarna düşünürlər ki, uşaqlarla bir araya gəlmək hamı üçün əla olar", deyə mənbə bildirib.

Qeyd edilib ki, Meqan Foks bu ideyaya müsbət yanaşır, çünki o, bunun uşaqlar üçün nə qədər məna kəsb edəcəyini bilir. Mənbə bildirib ki, aktrisa mütləq bu görüşə gələcək.

Bir neçə həftə əvvəl TMZ Meqan Foksun Maşine Qun Kelli ilə yenidən ayrıldığını yazıb. Ayrılıq Şükran Günündə baş verib. Nəşrin mənbələri aktrisanın sevgilisinin telefonunda "bir şey tapdığını" bildirib. 

Noyabr ayında Meqan Foks Kellidən hamilə olduğunu açıqlamışdı. O, bir əli ilə böyüyən qarnını tutaraq paltarsız və qara boya ilə poza verdiyi fotosessiyadan kadr nümayiş etdirib.

Samir