Müğənni Cennifer Lopezin Hollivud aktyoru Kevin Kostnerlə münasibətdə olduğu iddiaları gündəmə gəlib. 

HİT.az xəbər verir ki, bu barədə "Page Six" nəşri məlumat yayıb.

27 dekabr tarixində paparassilər 55 yaşlı Cennifer Lopezi və 69 yaşlı Kevin Kostneri Aspen dağ-xizək kurortunda yerləşən "Kemo Sabe" adlı vestern tərzində geyim mağazasında görüntüləyiblər. Onlar içki içir, söhbət edir və mağazadakı əşyaları nəzərdən keçiriblər. Cennifer Lopez qara, boğazlı və ağ naxışlı sviter, eləcə də "Chanel" sırğaları taxmıb. Kevin Kostner isə tünd rəngli cemper və bej şərf geyinib.

Qeyd edək ki, 20 avqustda jurnalistlər Cennifer Lopezin aktyor Ben Afflekdən boşanmaq üçün sənədləri Los-Anceles Ali Məhkəməsinə təqdim etdiyini yazmışdı. Sənədlərə əsasən, ayrılıq tarixi 26 aprel 2024-cü il göstərilib. Daha sonra müğənninin boşanma prosesindən sonra "öhdəliksiz münasibət" qurmaqla təsəlli tapdığı barədə məlumatlar yayılmışdı.

Keçən həftə keçmiş ər-arvad Qərbi Hollivudda bir restoranda görüntülənib. Onlar ayrı-ayrılıqda "Soho House" restoranına gələrək birlikdə nahar edib və Milad hədiyyələri mübadiləsi aparıblar.

Samir