Hollivud aktrisası Cennifer Qarner keçmiş əri, aktyor Ben Affleklə yenidən aşiq olmaqdan qorxur. 

HİT.az xəbər verir ki, bu barədə "Daily Mail" insayderə istinadən məlumat yayıb.

"Cennifer Beni sevir, amma onun yenidən onu əzəcəyindən qorxur. O, yenidən ürəyinin qırılmasını istəmir, çünki bu, çox dramatikdir. Bundan əlavə, o, uşaqların ana və atalarını yenidən pis münasibətdə görmələrini istəmir. Onlar yenidən birləşsələr, çox şey səhv ola bilər", deyə mənbə bildirib.

Cennifer Qarner və Ben Afflek 2005-2018-ci illərdə evli olublar. 2015-ci ildə ayrılıblar, lakin bir neçə ildən sonra rəsmi olaraq boşanıblar. Ayrılığa səbəb aktyorun spirtli içkilərə aludə olması, həmçinin dayəsi Kristina Uzunyana xəyanət etməsi olub. Məşhurların üç övladı var: qızları Violet Ann və Finn və oğlu Samuel.

Martın 2-də paparassilər Ben Afflek və Cennifer Qarneri Combat Paintball Parkında uşaqları ilə peyntbol oynayarkən yaxalayıb. Fotoqraflar aktyoru keçmiş həyat yoldaşına qarşı hisslərini əks etdirən görüntüləri lentə alıblar. Afflek Qarneri qucaqladı və ona yaxınlaşdı. Lakin sənətçi keçmiş ərinin hərəkətlərinə heç bir reaksiya verməyib.

Samir