Hollivud aktyorları Leonardo Di Kaprio və Bredli Kuper supermodel Gigi Hadidə görə dostluğu dayandırıblar.

Hit.az xəbər verir ki, bu barədə “Radar Online” mənbəyə istinadən məlumat yayıb.

"Onların dostluğu praktiki olaraq dayanıb, onları bir yerdə və ya eyni şirkətdə görmək demək olar ki, mümkün deyil. Hamı kədərlidir, çünki onlar qardaş kimi idilər. Həqiqət budur ki, Bredli Kuper Leonardo Di Kaprionun Gigi Hadidə pis davrandığını düşünür və bu, soyuqluğu artırır", - deyə mənbə nəşrə bildirib.

Mən izah edib ki, daha əvvəl Leonardo Di Kaprio ilə görüşən Gigi Hadid aktyordan inciyib, çünki onunla pis davranıb. Mənbənin sözlərinə görə, Bredli Kuper sevgilisinin tərəfinə keçib.

"Leo onu ruhdan saldı. Hər kəs görür ki, bu vəziyyətdə təşəbbüs Gigidən gəlir, lakin Bredli centlmendir və bunu dilə gətirməyəcək", deyə mənbə qeyd edib.

Yanvar ayında Bradli Kuper uzun müddətdən sonra ilk dəfə Gigi Hadid ilə ictimaiyyət qarşısına çıxıb. Aktyor və model “Filadelfiya İqlz” və “Los Anceles Rams” komandalarının qarşılaşmasına qatılıb.

Supermodel bu yaxınlarda ilk dəfə Bredli Kuperlə münasibətindən danışıb. Gigi Hadid etiraf edib ki, aktyorla ortaq rəfiqəsinin övladı üçün keçirilən ad günündə tanış olub.

Samir