Reper Elşad Xose illər sonra etdiyi etirafla diqqət çəkib.

Axşam.az xəbər verir ki, sənətçi "Efirdən kənar" verilişində keçmiş "Dəyirman" qrupuna etdiyi təklifdən danışıb. O bildirib ki, repin inkişafı üçün yalançı qalmaqallara belə razı olub:

"Moskvaya "Canlı yayım" albomunu buraxmağa getmişdim. Qayıdanda ilk dəfə üzbəüz oturduq, ünsiyyət qurduq. Orada təklif etdim ki, yalançı mübahisə yaradaq. Bu yolun inkişafına xarici təcrübələri burada keçirək. Alınmadı. Mən də, "Dəyirman" da, Anar Nağılbaz da, Hüseyn Dəryada da yalançı qırğın alınmazdı".