Model və realliti-şou ulduzu Kayli Cenner ilə aktyor Timoti Şalame gizli evlilikdə şübhələnilib. 

HİT.az xəbər verir ki, bu barədə "Reality Tea" tabloid nəşri məlumat yayıb.

Yanvarın 12-də Kayli Cenner sevgilisi Timoti Şalameni dəstəkləmək üçün “Qızıl Qlobus” mükafatlandırma mərasiminə qatılıb. Model aktyorla qırmızı xalıya birlikdə çıxmayıb, amma zalda iştirak edib. 

İnternet istifadəçiləri diqqət yetiriblər ki, məşhurların oturduğu yerlərdəki ad lövhəsində bizneswomen Kayli Cennerin adı “Cenner-Şalame” kimi göstərilib. Pərəstişkarlar qeyd ediblər ki, cütlük bu detala qiymət verib, amma onu gördüklərində təəccüblənməyiblər.

Eyni zamanda, "E!News" nəşrindən bir mənbə bu “Cenner-Şalame” ad kartını süni intellekt tərəfindən yaradılmış saxta məlumat adlandırıb. Özləri isə evliliklə bağlı söz-söhbətlərə heç bir şərh verməyiblər.

Dekabr ayında Kayli Cenner və Timoti Şalame Los-Ancelesdə baş tutan “Marti Möhtəşəm” filminin premyerasında iştirak ediblər. Aktyor filmində əsas rolu oynayıb. Model tədbirdə dərin dekolteli, kəsikli narıncı maksi geyim və iri xaçlı boyunbağı ilə görünüb. Aktyor isə narıncı köynək, dəri kostyum, qara çanta və çəkmələr seçib. O, fotoqrafların qarşısında realliti-şou ulduzunu qucaqlayıb.

Samir