"Yayda səhər yeməyi isti olmamalıdır".

Hit.az xəbər verir ki, bunu gazeta.ru-ya dietoloq, tibb elmləri namizədi Oksana Panova deyib.

“Sıyıq ən populyar və sağlam səhər yeməyi seçimlərindən biri hesab olunur. İsti havalarda yeməyi dəyişdirmək və soyuq etmək olar. Vələmir əzməsini su və ya qatıqla qarışdırıb, bir gecə soyuducuda saxlamaq olar”,  deyə dietoloq bildirib.

Oksana Panova qeyd edib ki, mövsümi giləmeyvə (çiyələk, moruq, qaragilə, qırmızı və qara qarağat) və meyvələr (şaftalı, nektarin, ərik və ya alma) belə səhər yeməyini diversifikasiya etməyə kömək edəcək. Həkim banan və ya üzümdən imtina etməyi tövsiyə edib, çünki onlar yüksək glisemik indeksə malikdirlər və sıyıq ilə birlikdə bədən üçün "karbohidrat bombası" ola bilər.

“İsti havada meyvə smuziti yaxşı səhər yeməyidir. Bişirmək çox vaxt tələb etmir - sadəcə meyvə və ya giləmeyvəni yunan qatığı və ya su ilə qarışdırıcıda qarışdırın. İçkini daha az kalorili etmək üçün suyu şəkər əlavə etmədən mövsümi giləmeyvələrdən təbii kompotla əvəz etmək və ya sadəcə buz əlavə etmək olar", deyə mütəxəssis əlavə edib.

Dietoloq, həmçinin kolbasa və donuz əvəzinə göyərti, təzə pomidor və ya balqabaq ilə omlet və qaynadılmış yumurta yeməyi məsləhət görüb.

Samir