Bu qida və içkilər sürətli çəki artımına səbəb olur - Dietoloq

23:10 / 04.07.2023
498

Alkoqolsuz şirinləşdirilmiş içkilər, şəkərli səhər yeməyi, konfet, şirin və ya ləzzətli qablaşdırılmış qəlyanaltılar, xəmir xörəkləri, hazır əriştə, işlənmiş ətlər sürətli çəki artımına səbəb ola bilər. 

Bunu gazeta.ru-ya dietoloq Anastasiya Efimova deyib.

"Bütün bu məhsullar, fast food ilə yanaşı, ultra emal olunur. Onlarda duz, şəkər və doymuş yağ yüksəkdir. Ultra işlənmiş qidaların istehlakının sağlamlıq və yağ toplama riskinin artması ilə əlaqəli olduğu sübuta yetirilib", deyə dietoloq bildirib.

Həkim deyib ki, təzə və ya minimal işlənmiş qidalardan fərqli olaraq, ultra işlənmiş qidalar yüksək kalorili olur:

"Şirələr, qazlı içkilər, şəkərli səhər yeməyi, xəmir məmulatları, hazır əriştə, sosislər və kolbasalarda lif, zülal, vitaminlər, minerallar və digər qida maddələri azdır. Eyni zamanda, onların tərkibindəki çox miqdarda şəkər və yağ tədricən çəkinin artmasına səbəb olur".

0