Mayami Universitetinin alimləri müalicəyə davamlı prostat xərçənginə qarşı yeni Platin-L adlı dərmanı uğurla sınaqdan keçiriblər. 

Qaynarinfo xəbər verir ki, bununla bağlı tədqiqatın nəticləri "ACS Central Science" jurnalında dərc olunub.

Tədqiqatda prostat xərçənginin müalicəsində təsirsiz olan güclü xərçəng əleyhinə agent hesab edilən sisplatindən istifadə edilib. Elm adamları, prostat şişlərinin enerji üçün istifadə etdiyi CPT1A zülalını hədəf alan Platin-L modifikasiyasını sınaqdan keçiriblər.

Dərman prostata xas membran antigeninə (PSMA) yaxınlığına görə şişdə yığılmağa yönəlmiş nanohissəciklərlə kapsullaşdırılıb. Bu, dərmanın ağızdan qəbulunu mümkün edib.

Alimlər terapiyanı insan xərçəng hüceyrələri və prostat xərçəngi olan siçanlar üzərində sınaqdan keçiriblər. Platin-L bədxassəli hüceyrələri enerji mənbəyindən məhrum edərək məhv edib. Yan təsirlər minimal olub. 

Bir siçan araşdırmasında şişlər kiçilib və müalicə olunan heyvanlar sabit bədən çəkilərini qoruyublar, sağ qalma müddətini yaxşılaşdırıblar və sisplatin müalicəsi ilə tez-tez baş verən periferik sinir zədələnməsinə dair çox az və ya heç bir dəlil olmayıb.

Samir