Niderlandın Qroningen Universitetinin alimləri tərəfindən bir araşdırma depressiya və xərçəng arasında birbaşa əlaqənin olub-olmadığını araşdırdı.

Niderlandın Qroningen Universitetinə bağlı xəstəxananın tədqiqatçıları depressiya və narahatlıqla xərçəng arasındakı əlaqəni təhlil ediblər. 
HİT.az xəbər verir ki, Kanada, İngiltərə, Norveç və Niderlanddan olan 300.000 böyük şəxsin məlumatları ilə davam etdirilən araşdırma döş, kolon (yoğun bağırsaq) və ya spirtlə əlaqəli xərçənglər arasında depressiya ilə heç bir əlaqə tapmayıb.

Depressiya və ya təşvişin ağciyər, digər siqaret və alkoqolla əlaqəli xərçəngə tutulma riskini 6 faiz artırdığı, lakin siqaret və spirt istehlakı və bədən kütlə indeksi nəzərə alındıqda bu risk faktorunun daha az olduğu vurğulanıb.

Araşdırma qrupundan Dr. Lonneke Van Tuijl "Nəticələrimiz depressiya və ya narahatlıq səbəbiylə xərçəngin inkişaf etdiyini düşünənlər üçün bir rahatlama ola bilər. Lakin depressiya və ya narahatlığın ağciyər və digər siqaretlə əlaqəli xərçənglərlə əlaqəsini anlamaq üçün daha çox araşdırmaya ehtiyac var", deyib.

Yeni tədqiqat depressiya və xərçəng arasında birbaşa əlaqə yaratmasa da, 2017-ci ildə İngiltərədə aparılan bir araşdırma eyni nəticələr verməyib. 160.000 böyük insanın tibbi qeydlərini təhlil edən mütəxəssislərin fikrincə, özünü psixoloji cəhətdən problemli kimi təqdim edənlərin bağırsaq, prostat və mədəaltı vəzi xərçəngindən ölmə ehtimalı daha yüksəkdir. BMJ tibb jurnalında dərc olunan araşdırmada bu insanlar arasında leykemiya və faringeal xərçəngin də yaygın olduğu qeyd edilib.

Samir