Diqqət çatışmazlığı hiperaktivlik pozğunluğunun (DEHB) böyük depressiya, travma sonrası stress pozğunluğu (TSSB), yemək pozğunluğu və intihar cəhdləri kimi digər psixi sağlamlıq problemləri üçün risk faktoru olduğu açıqlanıb.

HİT.az xəbər verir ki, bu barədə Auqsburq Universitetinin alman alimlərinin "BMJ Mental Health" elmi jurnalında dərc olunmuş araşdırmasında deyilir.

DEHB adətən uşaqlarda və yeniyetmələrdə diaqnoz olaraq qoyulur, lakin bu halların yarısından çoxunda sindrom ömür boyu onlarla qalır. Dünyada DEHB-nin yayılması yetkinlik yaşına çatmayanlarda təxminən 5%, böyüklərdə isə 2,5% təşkil edir.

Tədqiqatçılar diqqət çatışmazlığı hiperaktivliyi pozğunluğunun depressiya, narahatlıq pozuqluğu, bipolyar pozğunluq, şizofreniya, anoreksiya nervoza və intihar cəhdləri də daxil olmaqla digər psixi xəstəliklərlə əlaqəsini araşdırıblar.

Nəticələr göstərib ki, DEHB olan insanların klinik depressiyaya düşmə ehtimalı 76%, intihar riski 30%, anoreksiya nervozaya məruz qalma ehtimalı 28% və diqqət və hiperaktivlik problemi olmayanlara nisbətən 18% daha yüksəkdir. 

Eyni zamanda, DEHB-nin bipolyar pozğunluq, narahatlıq və şizofreniya ilə əlaqəsi olmadığı aşkar edilib.

Tədqiqatçılar qeyd edib ki, onların işi həkimləri diqqət çatışmazlığı hiperaktivliyi pozğunluğuna qarşı insanları aktiv müalicə etməyə təşviq etməlidir.

Samir