"Botulinum toksin növü A inyeksiyaları inyeksiya nahiyəsində üz fəaliyyətini bloklamaqla yanaşı, bir sıra digər gözlənilməz təsirlərə də malikdir".

HİT.Az xəbər verir ki, bunu gazeta.ru-ya dermatoveneroloq-kosmetoloq Alina Faris Ezzet deyib.

“2022-ci ilin may ayında ABŞ və Almaniya alimlərinin qaş nahiyəsinə botulinum toksin inyeksiyasının depressiyanın müalicəsində istifadə oluna biləcəyini sübut edən birgə araşdırması dərc olundu. Bu müalicə metodunun bir sıra üstünlükləri var, o cümlədən az sayda yan təsir və uzunmüddətli effektləri mövcuddur”, deyə həkim izah edib.

O əlavə edib ki, botulinum toksin inyeksiyaları fotoqocalma ilə mübarizədə də təsirlidir:

“Botulinum toksini müalicəsindən sonra şüalanmış hüceyrələr yaşlanma və zülal zərərinin azaldığını göstərir. Bu nəticələr fotoqocalmada botulinum toksininin müsbət rolunu təklif etməyə imkan verir”.

Dermatoloqun sözlərinə görə, botulinum toksini qulaqcıqların fibrilasiyasını boğmaq üçün ürək əməliyyatı keçirmiş xəstələrin reabilitasiyasında da istifadə oluna bilər:

"Botulinum toksininin digər ehtimal olunan təsiri lipolitikdir: İran alimləri tərəfindən aparılan ilkin araşdırma botulinum toksininin enjeksiyonlarının yağ itirilməsinə səbəb olması fərziyyəsini təsdiqləyib".

Samir