Kembric Universiteti (Britaniya) və Fudan Universitetinin (Çin) alimləri depressiyaya düşmə riskini azaldan vərdişləri açıqlayıblar.

HİT.az "Nature" jurnalına istinadən xəbər verir ki, bunlara orta dərəcədə spirt istehlakı, sağlam yuxu və qidalanma, fiziki və sosial aktivlik, nikotin asılılığının olmaması və orta dərəcədə aktiv həyat tərzi daxildir.

Ümumdünya Səhiyyə Təşkilatının məlumatına görə, hər 20 yaşlıdan biri depressiyadan əziyyət çəkir. Bu, əhval-ruhiyyənin davamlı azalması, motor geriliyi və təfəkkürün pozulması ilə özünü göstərən psixi pozğunluqdur.

Britaniyanın bioloji nümunələr anbarından götürülmüş təxminən 290 min insanın məlumatlarını təhlil edən elm adamları 13 min iştirakçının depressiya olduğunu müəyyən etdilər. Tədqiqatçılar 9 il ərzində bütün subyektləri müşahidə ediblər. Alimlər depressiyadan əziyyət çəkən və olmayan insanların vərdişləri və həyat tərzlərindəki fərqləri müəyyən etməyə çalışıblar.

Məlum olub ki, kifayət qədər miqdarda sağlam yuxu depressiyaya düşmə riskini 22%, ünsiyyət və aktiv sosial həyat 18%, orta dərəcədə spirt istehlakı 11%, sağlam qidalanma 6%, müntəzəm fiziki fəaliyyət 14%, siqaretdən imtina 20% və orta dərəcədə aktiv həyat tərzi 13% azaldır.

Alimlər həmçinin müəyyən ediblər ki, bu vərdişlərin birləşməsi genetik olaraq depressiyaya meylli insanların həyatına müsbət təsir göstərir.

Tədqiqat müəllifləri əlavə ediblər ki, insanlar sağlam həyat tərzini xatırlayarkən ən çox onun fiziki sağlamlıq üçün faydalarını düşünürlər. Bununla belə, narahatlıq, depressiya və stressin qarşısını almaq və zehni sabitliyi qorumaq üçün sağlam vərdişlər eyni dərəcədə vacibdir.

Samir