Yupiterə bənzəyən qaz nəhəngləri Yer ölçüsündə olan planetləri orijinal orbitlərindən çıxararaq həyatın başqa dünyalarda yaranmasının qarşısını ala bilər. 

HİT.az xəbər verir ki, Riversayddakı Kaliforniya Universitetinin amerikalı astrofizikləri bu qənaətə gəliblər. Araşdırma "The Astronomical Journal" (TAJ) elmi jurnalında dərc olunub.

Kompüter simulyasiyaları göstərib ki, yaxınlıqda çoxlu böyük planetlər olsaydı, Yerin yaşaması çətin olardı. Günəş sistemi qayda üçün uğurlu bir istisna olaraq qalır, çünki orada Yupiter "kosmik quldur" deyil, qoruyucu rolunu oynayır. Onun güclü cazibə qüvvəsi Yer üçün təhlükə yarada biləcək asteroidləri və kometləri yayındırır.

Bununla belə, qaz nəhəngləri Yerə daha yaxın yerləşsəydilər və ya onların sayı daha çox olsaydı, belə bir təsir dünyamızı yaşayış zonasından - şəraitin maye suyun mövcudluğuna və nəticədə planetin səthində həyatın olmasına imkan verdiyi ərazidən kənara ata bilərdi.

Tədqiqat müəllifi və astrofizik Stiven Keyn deyib: “Yalnız bir neçə seçilmiş sahə var ki, nəhənglərin cazibə qüvvəsi qayalı planeti orbitindən çıxarıb onu birbaşa yaşayış zonasından kənara çıxara bilməz".

Samir