"Maqnit fırtınaları zamanı hava şəraitindən asılı olan insanlar gündə iki dəfə qan təzyiqini ölçməli, təyin edilmiş dərmanların qəbulu rejimini pozmamalı və idman məşqlərini bərpaedici fəaliyyətlər və gəzintilərlə əvəz etməlidir".

HİT.az xəbər verir ki, bunu "RİA Novosti"yə Moskva Səhiyyə Departamentinin ilkin tibbi yardım üzrə baş ştatdankənar mütəxəssisi Andrey Tyajelnikov bildirib.

Həkim xəbərdar edib ki, maqnit qasırğaları zamanı qan təzyiqinin kəskin artması və ya azalması, eləcə də ürək ritminin pozulması ehtimalı artır. O qeyd edib ki, hava şəraitindən asılı olan insanlar zərurət yaranarsa, hava şəraitinin dəyişməsi nəticəsində yarana biləcək xroniki xəstəliklərin kəskinləşməsini aradan qaldırmaq üçün dərman qəbul etməlidirlər.

O, çöldə daha çox vaxt keçirməyi, təmiz hava ilə nəfəs almağı, kifayət qədər yatmağı və otaqları havalandırmağı unutmamağı tövsiyə edib.

Həkimin izah edib ki, maqnit qasırğalarına xüsusilə həssas olanlar ürək və qan damarlarının patologiyalarından əziyyət çəkən, təzyiqi həm artırmağa, həm də azaltmağa meylli insanlar, həmçinin xroniki xəstəlikləri olan insanlardır. Hər hansı bir narahatedici simptomlar üçün dərhal tibbi yardım axtarmaq məsləhətdir.

Samir