Kəpəkli saçlar hər birimizi narahat edən məsələlərdən biridir.

Kəpək adətən baş dərisinin quruması, ölü dəri hüceyrələrinin yığılması və baş dərisinin qıcıqlanması nəticəsində yaranır. Kəpək problemini aradan qaldırmaq üçün saçınıza və baş dərinizə mütəmadi olaraq qulluq etmək lazımdır. 

Həmçinin, doğru şampun və saç məhsullarından istifadə etmək, düzgün qidalanma rejimi və stressdən qaçmaq da bu problemlə mübarizədə faydalı ola bilər.

Bəs kəpək necə əmələ gəlir? 

Hit.az saçlarda kəpəyin əmələ gəlməsinə səbəb olan faktorları təqdim edir:

1. Stress və digər amillər
Stress, yemək vərdişləri və hormonal dəyişikliklər kimi faktorlar saçda kəpək əmələ gəlməsinə təsir edə bilər.

2. Quru baş dərisi
Quru baş dərisi soyuq hava, isti su ilə tez-tez yuyulma və ya bəzi şampunların istifadəsi kimi amillərlə əlaqələndirilə bilir. Nəzərə alın ki, quru baş dərisi ölü dəri hüceyrələrinin daha asan yığılmasına və kəpəyə səbəb ola bilər.

3. Saçın yağlanması
Baş dərisində yağ istehsalı normadan çox və ya az ola bilər. Baş dərisində yağ balansının isə pozulması kəpək əmələ gəlməsinə səbəb ola bilər.

4. Malassezia mayası
Baş dərisində olan bu mikroorqanizm yağları parçalayaraq yağ turşularına çevirir. Bu prosesdə sərbəst buraxılan yağ turşuları baş dərisində qıcıqlanmaya səbəb ola və kəpək əmələ gəlməsini artıra bilər.

Pərviz