Sent-Luisdəki Vaşinqton Universiteti Tibb Məktəbinin alimləri beynin qərar vermə alqoritmlərinin nevroloji dövrə və beynin dərinliklərində yerləşən kiçik struktur olan habenula vasitəsilə həyata keçirildiyini aşkar ediblər. 

HİT.az xəbər verir ki, tədqiqatın nəticələri "Nature Neuroscience" jurnalında dərc olunub.

Amerikalı alimlərin tədqiqatının məqsədi koqnitiv mükafatların mənbəyini - insanın, məsələn, lazımi informasiyaya çıxış əldə edərkən sevinc hiss edə bilmə mexanizmini müəyyən etmək olub. Məlum olub ki, müəyyən informasiyaya olan istək və ya onu almaq istəməməsi qərar qəbul etmə prosesinə əhəmiyyətli dərəcədə təsir edir.

Bu, 824 könüllünün iştirak etdiyi təcrübə nəticəsində aydın olub. Subyektlər üçün əsas vəzifə müxtəlif (əvvəlcədən məlum və ya naməlum) ehtimallarla müəyyən miqdarda virtual pulun alınması variantlarını əks etdirən iki seçim cümləsi arasında seçim etmək olub. Tədqiqatçılar bir variantı digərinə seçmək üçün güclü motivasiya verə biləcək gizli amillərlə maraqlanıblar.

Tədqiqat zamanı komanda beynin dərinliklərində yerləşən kiçik element olan habenulanın qərar qəbul etmə prosesində iştirak etdiyini aşkar edib. Bu, mükafat sisteminin fəaliyyətinə nəzarətdə əsas rol oynayan qədim onurğalı beyin quruluşudur. Qeyd olunur ki, habenula dofaminin əsas tənzimləyicisidir.

Digər bir tapıntı isə insanların qeyri-müəyyənliyi həll etmək üçün məlumat axtarmağa meylli olmasıdır. Təcrübə göstərib ki, daha böyük qeyri-müəyyənlik (variantlardan birini seçərkən külli miqdarda virtual pul əldə etmək potensialı) subyektləri bu cür məlumatların praktiki dəyərinin olmamasına baxmayaraq, öz maraqlarını təmin etməyə stimullaşdırıb. Alimlər izah edib ki, bu fenomen qeyri-instrumental məlumat axtarışı adlanır.

Samir