London İmperial Kollecinin britaniyalı alimləri COVID-19 koronavirus infeksiyasının xəstələrin zehni qabiliyyətlərinə nə qədər təsir etdiyini hesablayıblar. 

HİT.az xəbər verir ki, araşdırma "New England Journal of Medicine" (NEJM) jurnalında dərc olunub.

Söhbət koronavirus infeksiyasının uzunmüddətli nəticələrindən biri olan "beyin dumanı" adlanan prosesdən gedir. Xəstələr yaddaşın zəifləməsi, konsentrasiyanın azalması, yuxu problemləri, depressiya, artan yorğunluq, apatiya və digər simptomlardan şikayətləniblər.

Mütəxəssislər müəyyənləşdirib ki, "beyin dumanı" bir il ərzində bir insandan altıya qədər intellekt əmsalı (IQ) xalını ala bilər. Çatışmazlıqlar ilk növbədə yaddaş, məkan planlaşdırma və şifahi əsaslandırma ilə əlaqəli bilişsel sahələrdə aşkar edilib.

Mütəxəssislər qeyd ediblər ki, İQ-nin altı bal azalması insanın gündəlik həyatına az təsir edir, lakin pandemiyanın miqyasını nəzərə alsaq, əhali səviyyəsində əhəmiyyətli ola bilər.

Tədqiqat idrak qabiliyyətlərini ölçmək üçün xüsusi olaraq hazırlanmış onlayn testdən keçən 112 000 insanın məlumatlarına əsaslanır.

Samir