Cənubi Karolinadakı Çarlston Kollecinin amerikalı alimləri şüşə burunlu delfinlərdə yeni mikroplastik çirklənmə mənbəyi aşkar ediblər. Məlum olub ki, dəniz heyvanları havadan polimer hissəciklərini qəbul edirmiş. 

HİT.az xəbər verir ki, tədqiqat "PLOS One" elmi jurnalında dərc olunub.

Əvvəlki tədqiqatlar plastik mikrohissəciklərə məruz qalma ilə bədəndə oksidləşdirici stress və iltihab kimi mənfi sağlamlıq təsirləri arasında əlaqə olduğunu göstərib. Yeni işdə tədqiqat qrupu Luiziana ştatındakı Barataria körfəzində tutulan 11 delfindən toplanan nəfəs nümunələrini təhlil edib.

Nümunələrin tədqiqi zamanı polietilen tereftalat (PET), poliester, poliamid, polibutilen tereftalat və PMMA kimi tanınan poli(metil metakrilat) da daxil olmaqla bir neçə növ polimerin fraqmentləri aşkar edilib.

Nəticələr tənəffüsün delfinlərin qida qəbulu ilə yanaşı mikroplastiklərə məruz qalması üçün başqa bir əsas yol ola biləcəyi fikrini dəstəkləyib.

Alimlər qeyd edib ki, nəfəs alma delfinlərdə mikroplastik çirklənmənin əhəmiyyətli mənbəyi ola bilər, çünki bu heyvanların çox böyük ağciyər tutumu var.

Samir