Boşanma  əsələsində kiminsə "günahkar" olduğunu müəyyən etmək çətindir, çünki boşanma çox mürəkkəb bir məsələdir və hər bir münasibət özünəməxsusdur.

Həm qadınlar, həm də kişilər boşanma səbəblərində müxtəlif rollar oynaya bilərlər.

Bununla belə, statistikalar və araşdırmalar bir neçə ümumi meyli göstərir.

Maraqlıdır, boşanmaların artmasında qadınlar yoxsa kişilər günahkardır?

Bu barədə Hit.az-a açıqlama verən münasibət üzrə mütəxəssis Xədicə Hüseynli deyib ki, hər bir münasibətin fərqli şəraitləri olduğu üçün bu cür məsələlərdə ümumi bir qayda yoxdur:

“Öncə boşanmalardakı kişilərin rolundan danışaq. Ənənəvi olaraq, bəzi cəmiyyətlərdə kişilər daha çox ailə rəhbəri kimi qəbul edilir və bəzi hallarda, iş və maliyyə məsələlərinə diqqət yetirirlər. Bununla əlaqədar olaraq, bəzən emosional əlaqələr və şəxsi əlaqələr ikinci plana keçir. Araşdırmalar göstərir ki, kişilər bəzən boşanmağa səbəb olan problemləri gizlətmək və ya qarşı tərəfin şikayətlərini daha az diqqətə almaq meyli göstərə bilərlər.

Qadınların rolu isə fərqlidir. Son illərdə qadınların iqtisadi müstəqilliyi artdıqca, boşanma nisbətləri də artıb. Bu, qadınların daha sərbəst və öz müstəqil qərarlarını verə bilməsi ilə bağlıdır. Qadınlar bəzən daha emosional, əlaqə qurma və münasibətlərdə sadiqlik məsələlərinə daha çox önəm verirlər. Əgər münasibətlərdə bu sahələrdə ciddi narazılıqlar varsa, qadınlar boşanmanı seçə bilərlər”.

Murad