Ötən günlərin birində sosial şəbəkədə xanımın paylaşımını gördüm. Etik deyil deyə açıqlamıram kimliyini. Xanım paylaşımda bildirmişdi:

“Ərim mənə bir hədiyyə aldı, çox məyus oldum. Heç xoşlamadığım bir şey idi”.

Bu məsələdə bir sual ortaya çıxır. Maraqlıdır, hədiyyə alan zaman nələrə diqqət etmək lazımdır?

Məsələ ilə bağlı Hit.az-a açıqlama verən sosioloq Lalə Qarayeva deyib ki, hədiyyə alarkən, hədiyyəni alacağınız şəxsin maraq dairəsini və hobbilərini nəzərə almaq çox vacibdir:

“Hədiyyə alarkən bir neçə mühüm məqama diqqət yetirmək vacibdir ki, həm hədiyyə alan şəxsi sevindirəsiniz, həm də alacağınız hədiyyə düzgün və uyğun olsun. Hədiyyə alarkən, hədiyyəni alacağınız şəxsin maraq dairəsini və hobbilərini nəzərə almaq çox vacibdir. Məsələn, əgər şəxs idmanla məşğul olur və ya kitab oxumağı sevirsə, ona uyğun bir hədiyyə seçmək daha mənalı olacaq. Bəzən hədiyyənin qiyməti deyil, onun göstərdiyi diqqət və sevgidir önəmlidir. Hədiyyə şəxsə duyğusal baxımdan qiymətli ola bilər, hətta sadə bir şey olsa belə. Hədiyyənin necə təqdim olunduğu da vacibdir. Hədiyyənin gözəl və diqqətlə paketlənməsi onun dəyərini artırır və daha estetik görünür. 

Özəl bir hədiyyə, şəxsi bir toxunuşla daha qiymətli olur. Hədiyyənin üzərində yazılacaq bir qeyd və ya ona uyğun bir detallı düşüncə, hədiyyə alan şəxsə xüsusi bir hiss yaşadacaq”.

Murad