Günəşin temperaturunun artması Yer atmosferində istixana effektinin güclənməsinə səbəb olacaq. Çikaqo Universitetindən R. C. Qremin rəhbərlik etdiyi elmi qrupun gəldiyi nəticəyə əsasən, bu proses Yer üzərində həyatın davamlılığı üçün təhlükə yarada bilər.

HİT.az xəbər verir ki, araşdırma "Planetary Science" jurnalında dərc olunub.

Alimlərin izahına görə, Yer kürəsi mövcud olduqca Günəşin parlaqlığı təxminən 30% artıb. Bu da ulduzun temperaturunun yüksəldiyini göstərir. Günəşin istiliyi müəyyən həddi keçdikdə, Yer atmosferinin alt qatlarında temperaturun Yer kürəsinin effektiv temperaturunu üstələdiyi bir istixana effekti yaranacaq.

Bu vəziyyət ilkin olaraq bitkilərin qurumasına səbəb olacaq. Daha sonra ekosistemdəki bu pozuntu heyvanlar və insanlar üçün də təhlükə yaradacaq. Ən sonda isə Yer kürəsinin temperaturu insan həyatı üçün uyğun olmayan səviyyəyə çatacaq. Alimlərin proqnozuna görə, bu hal təxminən 1 milyard il sonra baş verə bilər.

Samir