Əsl zəriflik daim gözə soxulmur, lüks isə parlaq loqolarla deyil, özündən əminlik, zövq və üslub dili ilə ifadə olunur. 

HİT.az xəbər verir ki, bu səbəbdən həqiqətən imkanlı qadınlar bu yay bəzi dəbli görünsə də, status və estetikaya uyğun olmayan geyimlərdən uzaq duracaq.

1. Vulqar trendlər

Obrazı ucuzlaşdıran əsas detallardan biri artıq dekorla yüklənmiş vulqar trendlərdir. Gündüz parıltılı payetlər, aqressiv yarıqlar, aşırı şəffaf parçalar artıq dəbdən çıxır. Zərif qadın bilir: əgər bir obraz daim izah tələb edirsə, deməli, uğurlu deyil. O, qapalılıqla verilmiş seksual effekti və incə detalları seçir – açıq-aşkar provokasiyaları deyil.

2. Saxta brendlər və loqomaniya

İmkanlı qadın heç vaxt saxta brend geyimlərə və iri-iri loqolu geyimlərə üstünlük verməz. Gerçək imkan və status saxta etiketlər və “brend düşkünlüyü” ilə göstərilmir. O, bunun əvəzinə niş dizaynerlərin və ya kapsul kolleksiyaların keyfiyyətli, lakin gözə çarpmayan geyimlərini seçər.

3. Ucuz parça materialları

Süni parçalar və keyfiyyətsiz materiallar bu yay üçün qətiyyən uyğun deyil. Yay mövsümündə bədən nəfəs almalıdır, dəri rahatlıq tələb edir. Gerçək bir xanım neylon paltar, cırıldayan polyester və ya ucuz trikotaj geyinməz. Onun seçimi – kətan, ipək və orqanik pambıqdır.

Nəhayət, varlı qadın modanı yox, özünü üstün tutur. Onun seçdiyi geyimlər rahatdır, bədənə uyğun oturur, təbii tərkiblidir və onun şəxsiyyətini vurğulayır – trendlərin məhdudiyyətlərinə yox, öz ehtiyaclarına xidmət edir.

Samir