Doğru seçilmiş manikür təkcə obrazı tamamlamaqla kifayətlənmir – o, əllərin görünüşünü cavanlaşdıraraq ümumi stili canlandıra bilər. Yayda isə xüsusilə təravət, yüngüllük və baxımlı görünüş istənilir. 2025-ci ilin yay trendləri də məhz bu ehtiyaclara cavab verir.
Bu mövsümdə dəbdə – təbii formalar, oynaq rənglər və incə parlaqlıqdır. Ən önəmlisi isə bu ideyaların hamısı qısa dırnaqlarda asanlıqla tətbiq oluna bilər.
HİT.az 2025-ci ilin yayında əlləri vizual olaraq cavanlaşdıran və lüks görünüş yaradan 6 əsas manikür tendensiyasını təqdim edir:
Südümtül-nyud və parlaq sonluq
Ofis üçün də, tətil üçün də uyğun olan bu manikür südümtül-çəhrayı və ya bej tonlarında edilir. Dırnaqlara təmiz və baxımlı görünüş verir, dəriyə isə təravət qatır. Günəşlənmiş dəri ilə mükəmməl uyğunlaşır və barmaqları incə göstərir.
Parlaq qoral tonları
Koral alt tonlu yay qırmızısı bu mövsümün ən diqqətçəkən trendlərindəndir. Klassik qırmızıdan daha yumşaq, lakin eyni dərəcədə enerjili olan bu rəng, xüsusilə ağ geyimlərlə və yay tətili zamanı çox uğurlu görünür. Əllərə gənc və canlı təsir verir.
Şaftalı minimalizmi
Stilistlərin sevimlisi olan bu manikür, qısa dırnaqlarda şaftalı və ərik tonlarının sadə, naxışsız tətbiqi ilə edilir. Üzərinə şəffaf və mikropartlayıcılı top qat əlavə olunduqda, həm zərif, həm də təravətli yay görünüşü yaradır.
Rəngli fransız manikürü
Klassik frenshin yeni versiyası artıq ağ deyil – limon sarısı, mavi və ya fuksiya kimi canlı rənglərdən istifadə olunur. Belə manikür əlləri vizual olaraq daha cavan göstərir və oynaq əhval-ruhiyyə yaradır. Şəhər gəzintiləri və istirahət üçün əla seçimdir.
Pastel tonlarda qradiyent
Tünd rənglərdən uzaq durmaq istəyənlər üçün pastel keçidlər – çəhrayıdan bənövşəyiyə və ya nanə rənginə doğru yumşaq keçidlər ideal variantdır. Bu cür manikür zəriflik və romantika bəxş edir. Ən önəmlisi – pastel hər zaman gənc göstərir.
Gül naxışları və incə rəsmlər
Miniatür çobanyastığı çiçəkləri, yarpaqlar və budaqlar 2025-ci ilin əsas manikür trendlərindəndir. “Negative space” (boş sahə) üslubunda tətbiq edildikdə, həm parlaq, həm də zərif görünüş yaradır və universallığı ilə seçilir. Bu isə əlləri həm təmiz, həm də gənc göstərir.
Manikür artıq sadəcə dırnaq baxımı deyil – bu, üslub və vizual cavanlaşmanın effektiv vasitəsidir. 2025-ci ilin yay trendlərindən birini seçin və əlləriniz desin: siz gəncsiniz, özünüzə güvənirsiniz və dəbdəsiniz.
Samir
