Boz tülkü bu fəsilənin ən qeyri-adi nümayəndələrindən biridir. Onların əcdadları Şimali Amerikada ən azı beş milyon il əvvəl meydana gəlib.

HİT.az xəbər verir ki, "BBC Wildlife" jurnalında boz tülkülər haqqında məlumat verilib. Bu heyvanlarla bağlı bəzi faktlar təəccübləndirə bilər.

Qeyd olunur ki, boz tülkülərin anatomiyası müxtəlif məməli dəstələrində daha çox rast gəlinən xüsusiyyətlərlə seçilir. Məsələn, onlar primatlar kimi fırlanma qabiliyyətinə malik biləklərə malikdirlər. Bu, tülkülərə ağac gövdələrinə yapışmağa və budaqlar üzərində dırmaşmağa imkan verir.

Bundan əlavə, boz tülkülərin uzun və əyri dırnaqları, ayaqları isə pişiklərinkini xatırladır. Bu da demək olar ki, şaquli səthlərdə dayanmaq üçün faydalıdır.

Nəşrdə həmçinin boz tülkülərin tullanarkən balansı saxlamağa kömək edən böyük və düz quyruğa malik olduğu bildirilib. Qısa və güclü ön pəncələri sayəsində budaqlar üzərində özlərini yuxarı çəkə bilirlər.

Nəşr qeyd edib ki, boz tülkülər inanılmaz eşitmə qabiliyyəti ilə seçilir. Onlar özlərindən çox uzaqda olan digər heyvanların addımlarını eşidə bilirlər.

Boz tülkülərin yayda əsas qidasını kaktus meyvələri təşkil edir. Onlar həmçinin həşəratlar, quşlar və digər kiçik heyvanlarla qidalanır.

Nəşrdə bildirilib ki, boz tülkülər tez-tez ovunu ağacların təpəsinə qaldırırlar. Bununla onlar nəinki öz qidalarını qoruyur, həm də digər yırtıcılardan özlərini qoruyurlar.

Bundan əlavə, boz tülkülər ərazilərini qeyd etməkdə hətta itlərdən də çox obsesiyalıdır, deyə qeyd edilib nəşrdə. Onların bir çox marşrutu diqqətlə və aydın şəkildə iylə qeyd olunur ki, bu da evə qayıtmaq yolunu tapmağı asanlaşdırır.

Boz tülküləri tez-tez koyotlar və vaşaq öldürür. Nəşrdə əlavə ediblər ki, onlar tülkülərə qarşı müntəzəm olaraq pusqu qururlar.

Qışın sonunda cütləşmə mövsümündə boz tülkü erkəkləri cütləşməyə hazır dişilər axtararkən gecə marşrutlarını genişləndirirlər. Nəşrdə qeyd olunub ki, bu heyvanlar sosial monogamdır (cütlük əmələ gətirir), lakin demək olar ki, hər dördüncü bala cütlükdən kənar cütləşmənin nəticəsi ola bilər.

Samir