Avropa Kosmik Agentliyi ESA ExoMars eniş modulu üçün hazırlanan nəhəng paraşüt sisteminin kritik bir sınağını müvəffəqiyyətlə tamamlayıb. 

HİT.az xəbər verir ki, bu sistem, Marsa enəcək Rosalind Franklin kəşfiyyat aparatının təhlükəsiz enişində həlledici rol oynayacaq.

ExoMars eniş aparatının sürətini azaltmaq üçün dizayn edilən paraşütlər, inkişaf etdirən qrup üçün bir neçə problem yaratmışdı. 2019-cu ildə, təxminən 35 km yüksəklikdən buraxılan 35 metr enindəki nəhəng paraşüt uğursuz bir sınaqla ümidləri söndürmüşdü.

Lakin bu dəfə, bahalı sınaq prosesi müvəffəqiyyətlə həyata keçdi. 29 km yüksəklikdən qaldırıcı balonla buraxılan sınaq modulu, sərbəst düşüşdə demək olar ki, səs sürətinə çatıb. İki mərhələli paraşüt bu yüksək sürətli düşməni müvəffəqiyyətlə yavaşladıb.

Bu sistemdə iki əsas paraşüt var:

1. 15 metr enində birinci mərhələ paraşütü: Əslində ESA-nın Saturnün ən böyük peyki Titan üzərində həyata keçirdiyi uğurlu Cassini-Huygens missiyasında istifadə olunan paraşütün bir kopyasıdır.

2. 35 metrlik ikinci mərhələ paraşütü: Yeni inkişaf etdirilən bu nəhəng paraşüt, Mars üzərində açılan ən böyük paraşüt olacaq.

Lakin əlbəttə ki, bu qədər böyük həcmli bir parçanın, Yerdən milyonlarla km uzaqda, düzgün bucaqlarla və düzgün şəraitdə işləməsini təmin etmək özü-özünə böyük bir mühəndislik problemidir. ESA paraşütün bütün şəraitdə etibarlı işlədiyinə əmin olsa, yaxın gələcəkdə qiymətli kosmik aparatları Marsa rahatlıqla göndərə biləcəyik.

Samir