Bəzən 30 yaşdan yuxarı qadınlar heç vaxt ciddi münasibət yaşamırlar. Münasibətlərdə ciddi səhvlər etmək asandır və heç nə qurmaq mümkün olmaya bilər, lakin bəzi insanların həyat şərtləri elə olur ki, dərin əlaqə qurmaq imkanı belə yaranmır.

HİT.az-ın məlumatına görə, "Reddit" istifadəçiləri hesab edir ki, münasibətlərin olmaması, xüsusən də insanın keçmiş mənfi təcrübələri ilə vidalaşmaması, özünü anlamaması, münasibətlərdən nə gözlədiyini başa düşməməsi, dərin əlaqələrdən qorxması və ya hətta kimsə ilə tanış olmaq imkanından belə qaçması ilə əlaqədar ola bilər. Platformada həmçinin tənhalıqdan necə qurtulmaq barədə tövsiyələr verilib və UNIAN ən faydalı məsləhətləri toplayıb.

33 yaşına qədər heç öpüşməmiş "OkSmoke4100" istifadəçisi tənhalıqdan qorxmamağı və münasibət olmadıqda, özünüdərk üzərində cəmlənməyə çalışmağı məsləhət görüb. Onun fikrincə, əgər insanın heç vaxt münasibəti olmayıbsa, özünüdərk təkbaşına həyatdan məmnunluq hiss etməyə kömək edə biləcək əsas amil ola bilər.

"Herr_Loada_Frags" istifadəçisi isə bölüşüb ki, altı-yeddi il tək qaldıqdan sonra tənhalıqla mübarizədə ona sadə bir proses kömək edir – münasibətlərdən nə əldə etmək istədiyini yazır. Onun fikrincə tənhalıqdan qurtulmağa kömək edə biləcək başqa şeylər:

* Söylənməmiş hissləri və mənfi təcrübələri buraxmaq" lazımdır - yaddaşda qalmasın deyə hər şeyi yazmaq və bunu edərkən özünü məhdudlaşdırmamaq.
* Özünüzə xatırladın ki, əksər insanlar kifayət qədər səthidir, özlərini həqiqətən açmaqdan, özlərini göstərməkdən qorxurlar.
* Müəyyən etmək lazımdır ki, uzun müddətli tənhalıq sizin üçün rahat olub və buna görə də öz dəyərlərinizi başqasınınkı ilə uyğunlaşdırmaq çətindir.

İstifadəçi vurğulayıb ki, kimsə ilə həqiqi əlaqə qurmaq üçün vaxt lazımdır – digər insanı həqiqətən tanımaq və onun özünü açmasına imkan vermək üçün.

Samir