İşdən və məişət əlaqədar işlərdən yorulmuş bir çox insan tətilə getmək üçün həmin vaxtı səbirsizliklə gözləyir. Arzulanan səfərin gözləntisində, siz evdən uzaqda əbədi istirahət etməyə hazır olduğunuzu hiss edirsiniz. Lakin əslində, çoxlu turistlər düşündüyünüzdən daha tez evlərinə həsrət çəkməyə başlayır.

HİT.az "The Mirror" qəzetinə istinadən xəbər verir ki, DFS tərəfindən 2000 istirahətçi arasında aparılan yaxın tarixli bir araşdırma britaniyalıların 46%-i tətilin artıq beşinci günündə evlərinə həsrət çəkməyə başladığını göstərir.

"Çoxları üçün tətildən qayıtmaq ən yaxşı vaxtdır, çünki heç bir şey evdəki rahatlıqla müqayisə edilə bilməz. Tez-tez hesab olunur ki, tətil ən yüksək dərəcədə rahatlaşmaqdır, amma aeroportdakı stressdən, yük narahatlığından və şəxsi məkanın olmamasından sonra çoxları evlərinə həsrət çəkməyə başlayır", deyə DFS nümayəndəsi Kelli Vayls bildirib.

Sorğuda iştirak edənlərin 52%-i qeyd edib ki, evə qayıtmaq tətildəki ən yaxşı şeylərdən biridir. Sorğuya cavab verənlərin dörddə biri etiraf edib ki, evdən uzaqlaşma perspektivi onlara həsrət çəkdirməyə başlayır.

Eyni zamanda, çoxlu tətilçi etiraf edib ki, onlar istirahətə evdən bəzi sevimli əşyalar götürürlər: 31%-i özləri ilə çay paketləri götürür, 27%-i isə öz dəsmallarını götürür, bəziləri hətta səfərə yastıqlarını da yığır.

Samir