Yer və Mars arasındakı Əsas Asteroid Qurşağında yerləşən ən böyük cırtla planet olan Ceres uzun müddət quraq, cansız bir səma cismi olaraq qəbul edildi. Amma yeni bir araşdırma vəziyyətin fərqli olduğunu irəli sürür.

HİT.az xəbər verir ki, NASA-nın Dawn kosmik aparatından alınan məlumatları əsas götürən tədqiqata görə, milyardlarla il əvvəl Ceresin səthində və altında təzyiqli duzlu suyun (duzlu məhlul) izləri tapılıb.

Bundan əlavə, orqani molekullar da aşkar edilib. Bunlar həyatın təmir daşları sayılan karbon əsaslı birləşmələrdir. Lakin bu iki faktor tək başına həyatın əmələ gəlməsi üçün kifayət deyil; həyat üçün həm də enerji mənbəyinə ehtiyac var.

Tədqiqatçılar, termal və kimyəvi modelləşdirmələrlə Ceresin daxili quruluşunu simulyasiya ediblər. Bu modelləşdirmələr göstərir ki, təxminən 2,5 ilə 4 milyard il əvvəl planetin qayalıq nəvində radiasiya ilə parçalanan radioaktiv elementlərin yaratdığı istilik, hidrotermal fəallığı təşviq edərək isti suyun, minerallar və qazlarla birlikdə yeraltı duzlu su ehtiyatına çatmasına şərait yaratmış ola bilər.

Yerdə dərin dəniz dibində tapılan hidrotermal bacaların, günəş işığı olmadan kimyəvi enerjilərlə mikrob həyatını davam etdirə bilən mühitlər yaratması kimi, Ceres də oxşar potensiala malik ola bilər. Lakin hələlik bütün bu detallar fərziyyədən ibarətdir. Əgər Ceresdə bir zamanlar həyat mövcud idisə, bu izləri ancaq cırtla planetin üzərinə enə biləcək kəşf robotları tapa bilər. Yaxın zamanda isə NASA-nın belə bir kəşf proqramı yoxdur.

Samir