Numerologiya qədim inanclardan qaynaqlanan bir sahədir və fərqli doğum tarixlərinin insan xarakterinə təsir göstərə biləcəyini iddia edir. Lakin nəzərə almaq lazımdır ki, numerologiya, astroloji, xiroloji və digər bu kimi praktikalara elmi dairələrdə etibarlı yanaşma mövcud deyil, onlar əyləncəli xarakter daşıyır və qərarların qəbulunda əsas vasitə kimi istifadə edilməməlidir.

HİT.az xəbər verir ki, “The Daily Jagran” nəşrinin yazdığına görə, bəzi doğum tarixləri eqoist davranış meyilləri ilə əlaqələndirilir.

4, 13, 22 və ya 31-də doğulanlar – bu şəxslər məqsədyönlü və realist olurlar. Onların uğura və sabitliyə olan güclü ehtiyacı bəzən eqoist davranışlara səbəb ola bilər. Öz nailiyyətlərini yüksək qiymətləndirdikləri üçün başqalarının təsdiqini axtarmağa meyllidirlər.

8, 17 və ya 26-da doğulanlar – numerologiyaya görə, bu insanlar çox iddialı və əzmkar olurlar. Bu xüsusiyyətlər uğur gətirsə də, eqoist yanaşmaları gücləndirə bilər. Çox zaman məqsədlərini hər şeydən üstün tutaraq həddindən artıq rəqabətcil davranış nümayiş etdirə bilərlər. Onlar üçün empatiya və anlayış üzərində işləmək münasibətlərin sağlam inkişafı baxımından vacibdir.

1, 10, 19 və ya 28-də doğulanlar – güclü liderlik qabiliyyətinə və idarəetmə istəyinə malikdirlər. Bu keyfiyyətlər faydalı ola bilsə də, eqoist yanaşma ilə müşayiət oluna bilər. Belə şəxslərin öz eqosunu dərk etməsi və başqalarının ehtiyaclarını da nəzərə alan balanslı yanaşma sərgiləməsi mühüm sayılır.

Samir