Münasibətlər qarşılıqlı paylaşım üzərində qurulur: biz yalnız qayğı görmür, həm də qayğı göstəririk. Sağlam münasibətlərdə bu proseslər təbii və qarşılıqlı şəkildə baş verir. Lakin tərəflərdən biri daim daha çox alır, digəri isə daha çox verir, bu zaman istismar hissi yaranır.

HİT.az-ın məlumatına görə, psixoloq Mark Traversin "Forbes" üçün yazdığı məqalədə qeyd olunur ki, münasibətlərdə istismar həmişə açıq xəyanət və ya yalan şəklində olmur. Bəzən bu, yaxınlığı zəiflədən xırda manipulyasiyaların yığılması ilə özünü göstərir. Travers münasibətlərin asimmetrik hala gəldiyini göstərən iki əsas siqnalı vurğulayır:

1. Dəstəyin həmişə bir qarşılığı var - Sağlam münasibətlərdə tərəflər bir-birinə qarşılıqsız dəstək olurlar. Əgər tərəfdaş kömək və diqqəti yalnız fayda əldə etmək üçün göstərirsə, bu, gizli "emosional hesab" yaratmağa başlayır. İnsan daim etdiklərini xatırladır və sizi borclu hissetdirir. Əgər artıq kömək istəməyə tərəddüd edirsinizsə, çünki qarşılığında "ödəmə" gözlənildiyini bilirsinizsə, bu ciddi xəbərdarlıq əlamətidir.

2. Sizin ehtiyaclarınız nadir hallarda nəzərə alınır - Araşdırmalara görə, sağlam sevgi partnyorun daxili dünyasını dinləmək və ona reaksiya verməyi tələb edir. Əgər tərəfdaş yalnız özünə sərf edən məqamlarda diqqət göstərirsə, bu da istismarın əlamətidir. Məsələn, yalnız öz rahatlığı üçün qayğı göstərməsi və ya sizin üçün vacib olan məsələlərə maraq göstərməməsi münasibətləri birtərəfli hala gətirir.

Əgər tərəfdaşınız sizin xeyriniz üçün planlarını dəyişməyə nadir hallarda hazırdırsa, güzəştləri yalnız öz şərtləri ilə edirsə, bu münasibətdə balansın pozulduğunu göstərir.

Samir