Son illərdə “hustle-culture” – yəni dayanmadan işləmək və özünü işə həsr etmə mədəniyyəti tez-tez təbliğ olunur. Amma mütəxəssislər xəbərdarlıq edir: həddindən artıq işləmək nə sağlam, nə də uzunmüddətli karyera uğuru üçün doğru yoldur.

Balaca biznes sahibləri və işgüzar insanlar çox vaxt “hustle” - yorulmadan çalışmağı həyat tərzinə çevirirlər. Amma insan bədəni və zehni müəyyən həddi keçdikdə tükənməyə başlayır. Mütəxəssislər bildirirlər ki, məqsədli və balanslı işləmək, arada fasilə vermək daha dayanıqlı uğur gətirir.

Çox işləyən insanlar ailə və dostlarla kifayət qədər vaxt keçirə bilmir, həm də uzunmüddətli fayda gətirəcək layihələri əldən qaçırırlar. Bu kimi situasiyalarda tükənmişlik sindromu (burnout) real təhlükədir.Yaxın illərdə aparılan bir araşdırmaya görə, gündə cəmi 5-6 saat yatan işçilərdə məhsuldarlıq itkisi 19%, 5 saatdan az yatanlarda isə 29% olub. Bu isə yuxunun və özünə qayğının iş uğuru üçün nə qədər vacib olduğunu göstərir.

İşdə və həyatda stresslə balansı eyni dərəcədə qorumaq mümkün deyil. Əsas məsələ – özünü nə zaman daha yaxşı hiss etdiyini, hansı işlərin sənə enerji verdiyini bilməkdir. Bu vərdiş insanın gününü planlaşdırmasına və xoşladığı layihələrə üstünlük verməsinə kömək edir. Belə olduqda həm motivasiya artır, həm də tükənmə ehtimalı azalır.

Çox işlədikdə insan həyatın gözəlliklərini görməyə vaxt tapmır. Sadə bir gün batımını, ailə ilə söhbəti və ya hobbiləri qaçırmaqla həyat keyfiyyəti azalır. Halbuki fasilə vermək, istirahət etmək və sevdiklərinlə vaxt keçirmək həm psixoloji, həm də peşəkar baxımdan daha güclü olmağı təmin edir.//valyuta.az